திருமதி முனசிங்ஹ அவர்கள், ஐரோப்பா மற்றும் ஆசியா முழுவதும் முதலீட்டு வங்கி சேவைகள், மூலதன சந்தைகள் மற்றும் நிறுவன நிதி துறைகளில் 25 ஆண்டுகளுக்கும் மேலான அனுபவத்தை கொண்டுள்ளதோடு, குறிப்பாக வளர்ந்துவரும் மற்றும் முன்னணி சந்தைகளில் உள்ள நிதி நிறுவனங்களில் ஆழமான நிபுணத்துவம் பெற்றுள்ளார். அவரது அனுபவம், இணைப்புகள் மற்றும் கையகப்படுத்தல்கள், பங்கு மற்றும் கடன் மூலதன சந்தைகள, தனியார் பங்கிலாப முதலீடுகள், மேலும் இருப்புப் பட்டியல் மற்றும் மூலதன அமைப்பு ஆலோசனை போன்ற துறைகளை உள்ளடக்குகிறது.

அவர் முன்னர் இலங்கையின் CIMB முதலீட்டு வங்கியின் தலைமை நிர்வாக அதிகாரியாக பணியாற்றினார், அங்கு அவர் வங்கியின் முதலீட்டு வங்கி நடவடிக்கைகளை நிறுவி வழிநடத்தினார், உள்நாட்டு மற்றும் சர்வதேச வாடிக்கையாளர்களுக்கு சிக்கலான எல்லை தாண்டிய பரிவர்த்தனைகள், மூலதன திரட்டல் மற்றும் இலங்கை வங்கி மற்றும் நிதி சேவைகள் துறையில் மூலோபாய முதலீடுகள் குறித்து ஆலோசனை வழங்கினார். பட்டியலிடப்பட்ட மற்றும் பட்டியலிடப்படாத நிறுவனங்களில் கையகப்படுத்தல், மறு மூலதனமாக்கல் மற்றும் பங்கு முதலீடுகள் குறித்து உலகளாவிய நிறுவன முதலீட்டாளர்கள் மற்றும் நிதி ஆதரவாளர்களுக்கு ஆலோசனை வழங்குவது அவரது பணியில் அடங்கும்.

இதற்கு முன்பு, திருமதி முனசிங்ஹ அவர்கள் சிங்கப்பூரில் அமைந்துள்ள அமுரா கன்சல்டிங் (Amura Consulting) நிறுவனத்தில் பங்குதாரராக பணியாற்றினார். அங்கு, முன்னணி சந்தைகளில் செயல்படும் நிதி நிறுவனங்கள், தனியார் பங்கிலாப நிதிகள் மற்றும் நிறுவனங்களுக்கு நிறுவன நிதி மற்றும் நிதி அமைப்பு தொடர்பான ஆலோசனை சேவைகளை வழங்கினார். அவர் தனது தொழில்வாழ்க்கையை மெர்ரில் லிஞ்ச் (Merrill Lynch) நிறுவனத்தில் ஆரம்பித்தார். சிங்கப்பூர் மற்றும் இலண்டனில் இணைப்புகள் மற்றும் கையகப்படுத்தல்கள் மற்றும் நிறுவன நிதி பிரிவுகளில் பணியாற்றிய அவர், பங்கு, பங்கு-இணைந்த மற்றும் கடன் நிதியமைகள் தொடர்பான பரிவர்த்தனைகளில் அனுபவம் பெற்றதுடன், பல்வேறு தொழில்துறைகள் முழுவதும் நிதி அபாய பகுப்பாய்விலும் நிபுணத்துவம் பெற்றார்.

தற்போதைய சபையின் பதவிகள்

திருமதி முனசிங்ஹ அவர்கள் தற்போது hSenid Business Solutions PLC நிறுவனத்தின் பணிப்பாளர் சபையில் சுயாதீனமான நிர்வாகமற்ற பணிப்பாளராக (Independent Non-Executive Director) பணியாற்றி வருகிறார். அங்கு, சம்பந்தப்பட்ட கட்சி குழுவின் (Related Party Committee) தலைவராகவும் செயற்படுகிறார். மேலும், அவர் WealthTrust Securities PLC

நிறுவனத்தின் பங்குதாரராகவும், சுயாதீனமற்ற, நிர்வாகமற்ற பணிப்பாளராகவும் (Non-Independent> Non-Executive Director) உள்ளார்.

கல்வித் தகுதிகள்

அவர் ஒக்ஸ்போர்டு (Oxford) பல்கலைக்கழகத்தில் அரசியல், தத்துவம் மற்றும் பொருளாதாரம் (PPE) ஆகியவற்றில் முதுகலை {MA (Hons)} பட்டம் பெற்றுள்ளார். கூடுதலாக, பென்சில்வேனியா (Pennsylvania) பல்கலைக்கழகத்தின் வார்டன் வணிகப் பாடசாலையில் (Wharton Business School) தீவிர நிர்வாக எம்பிஏ (Intensive Executive MBA) பட்டம் பெற்றுள்ளார்.

Board of

Directors

Board of

Directors