DFCC බැංකුව තුළ ඔබේ ජීවිතය
DFCC බැංකුවේ රැකියාව කරන ඔබට පෞද්ගලික හා වෘත්තීමය දියුණුව සහ සංවර්ධනය උදෙසා අවස්ථා රාශියක් උදා වේ. එමෙන්ම වෘත්තීමයභාවය, කණ්ඩායම් හැඟීම, විවෘතභාවය, විවිධත්වය, පුද්ගල වටිනාකම් වලට ගෞරව කිරීම සහ නිසි පිළිගැනීම ලබාදීම යන ගුණාංග වලට මුල්තැන ලැබෙන ආයතනික සංස්කෘතියකින් එය නිර්මිත වී ඇත.
DFCC බැංකුව තුළ ඔබේ ජීවිතය
DFCC බැංකුව තුළ පවතින්නේ විවිධත්වය සහ අන්තර්කරණයට මුල්තැන දෙන විවෘත ආයතනික සංස්කෘතියකි. තෘප්තිමත් රැකියා පරිසරයක් තුළ ඵලදායීත්වය වඩාත් ඉහළ මට්ටමක පවතින බව අපගේ අදහසයි. එම නිසා අප ආයතනයේ සාමාජික සාමාජිකාවන්ට සුවිශේෂී අවස්ථාවන් හා අත්දැකීම් හිමි වන එවැනි රැකියා පරිසරයක් පවත්වාගෙන යාම සඳහා අපි සෑම විටම පියවර සහ නිසි ක්‍රියාමාර්ග ගන්නෙමු.
අපගේ වටිනාකම්
අපගේ ආයතනික සංස්කෘතිය අපගේ ප්‍රධාන වටිනාකම් මත පදනම් වන අතර, එම වටිනාකම් තුළින් පන්නරය ලැබීමට සහ ඒවා අනුව ජීවත් වීමට අපගේ සාමාජික සාමාජිකාවන් දිරිගන්වනු ලැබේ. කාර්ය මණ්ඩලයේද අදහස් සැලකිල්ලට ගනිමින් නිර්මාණය කරන ලද එම වටිනාකම් එකතුව අපගේ හදවත් වලට බෙහෙවින් සමීප ය. මෙම වටිනාකම් නිර්මාණය කිරීමේ ව්‍යාපෘතිය මෙහෙයවන ලද්දේ ආයතනයේ විවිධ අංශ නියෝජනය කළ විශේෂ කමිටුවක් විසිනි.
අපගේ වටිනාකම්:
- නවෝත්පාදනය
- පාරිභෝගික-කේන්ද්‍රීයත්වය
- වෘත්තීයභාවය
- ආචාරධාර්මික බව
- වගවීම
- Team කණ්ඩායම් හැඟීම
- සමාජයීය වශයෙන් වගකීම්සහගත වීම
- විවිධත්වය, සමානත්වය හා අන්තර්කරණය
- භාරකාරත්වය
කාර්ය මණ්ඩලයට ලැබෙන අත්වැල
කාර්ය මණ්ඩලයට ඇතැම් විට යම් යම් ගැටලු සහ අභියෝග ඇතිවන බවත්, එවැනි අවස්ථා වලදී ඔවුන්ට නිසි සහයෝගයක් අවශ්‍ය වන බවත් අපි දනිමු. එවැනි අවස්ථා වෙනුවෙන් නිල දුක්ගැනවිලි ඉදිරිපත් කිරීමේ ක්‍රියාවලියක්, ආයතනයේ විවිධ අංශ නියෝජනය කරන දුක්ගැනවිලි කමිටුවක් සහ කාන්තාවන්ට තමන් මුහුණ දෙන පෞද්ගලික හෝ වෘත්තීය ගැටලු සඳහා විසඳුම් ලබාගැනීමට උපකාරී වන ‘Reach out’ නම් විශේෂ වැඩසටහනක් ඇතුළු ක්‍රම කිහිපයක් ආයතනය තුළ ක්‍රියාත්මක වේ.
කාර්ය මණ්ඩලයට අවශ්‍ය අවස්ථා වලදී ප්‍රධාන විධායක නිලධාරී තුමන් ඇතුළු ජ්‍යෙෂ්ඨ නිලධාරීන් හමුවීමට අවස්ථාව ලබාදෙන විවෘත ප්‍රතිපත්තියක් බැංකුව තුළ ක්‍රියාත්මක කර ඇත. එමෙන්ම සාමාජික සාමාජිකාවන්ට අපගේ සභාපති තුමන්, ප්‍රධාන විධායක නිලධාරී තුමන් සහ Grievance හා Reach Out කමිටු වල නියෝජිතයන් පෞද්ගලිකව හමු වී, ආයතනය වැඩිදියුණු කිරීම පිළිබඳ අදහස්, යෝජනා සහ පැමිණිලි ඉදිරිපත් කිරීම සඳහා කලින් කලට “Open Days” වැඩසටහන් සංවිධානය කරනු ලැබේ.
ශරීර සුවතාව හා යහපැවැත්ම
බැංකුවේ ශරීර සුවතා වැඩසටහන වන OMMM, නිරෝගී දිවිපෙවෙතක් ගතකිරීම සඳහා අපගේ කාර්ය මණ්ඩලය සහ ඔවුන්ගේ පවුල්වල සාමාජික සාමාජිකාවන් දිරිගැන්වීම අරමුණු කරගත් වැඩසටහනකි. මේ යටතේ සහනදායී සෞඛ්‍ය සේවා යෝජනා ක්‍රම, ව්‍යායාම වැඩසටහන්, ශරීර සුවතා තරග, ව්‍යායාම මධ්‍යස්ථාන සඳහා සාමාජිකත්වය ලබාදීම, දැනුවත් කිරීමේ ක්‍රියාකාරකම් සහ මානසික සුවය ඉලක්ක කරගත් වැඩසටහන් ඇතුළු වැඩසටහන් රාශියක් නිතිපතා සංවිධානය කෙරේ. එමෙන්ම පාපැදියෙන් රැකියාවට පැමිණීම සඳහා දිරිගන්වන වැඩසටහන මේ අතරින් තවත් ප්‍රමුඛතම වැඩසටහනකි.
විනෝදාස්වාද වැඩසටහන්
වසර පුරා විවිධ අවස්ථා වලදී බැංකුව මගින් විනෝදාස්වාද වැඩසටහන් සංවිධානය කරනු ලබන අතර, ඒ අතරින් තමන් කැමති වැඩසටහන් වලට සහභාගී වීමට සාමාජික සාමාජිකාවන්ට අවස්ථාව ඇත. මේ අතරට වාර්ෂික විනෝද චාරිකාව, අවුරුදු පොළ, බොදු බැති ගී, ළමා වැඩසටහන්, නත්තල් කැරොල්, කාර්යාලය සැරසීමේ තරග සහ වාර්ෂික චිත්‍ර හා ඡායාරූප තරගය ආදිය ඇතුළත් වේ.
