බ්ලොග්

ක්‍රෙඩිට් කාඩ්පතක් ඔබ කැමති ජීවන රටාව අත්පත්කර ගැනීමේ ප්‍රවේශ පත්‍රයක් විය හැකිය. ඔබේ මුදල් නාස්ති නොවන පරිද්දෙන් හොඳින් ජීවත් වීමට සහ ජීවිතය විඳමින් සියුම් දේ භුක්ති විඳීමට මංපෙත් සාදන මෙවලමක් ලෙස භාවිතා කළ හැකිය. ඔබට යමක් ක්ෂණිකව මිලදී ගැනීම අපහසු වුවත් ක්‍රෙඩිට් කාඩ්පතක් සමඟ ඔබට ඕනෑම තැනක ඕනෑම දෙයක් මිලට ගැනීමේ නිදහස සහ සවිබල ගැන්වීම ලැබේ. කෙසේ වෙතත්, එම නිදහස හා බැඳුණු යම් වගකීමක් ඔබට ඇත. ඔබ පළමු වරට ක්‍රෙඩිට් කාඩ්පතක් ගැන උනන්දුවක් දක්වන්නේ නම් වැදගත් ඉඟි කිහිපයක් දැනගැනීම ප්‍රයෝජනවත් වන්නේ එබැවිනි.

ඔබ පළමු වරට ක්‍රෙඩිට් කාඩ්පතක් ගැනීමට බලාපොරොත්තු වන්නේ නම් මතක තබා ගත යුතු උපදෙස් පහක් මෙන්න:

1.බුද්ධිමත්ව තෝරා ගන්න.
සියලුම ක්‍රෙඩිට් කාඩ්පත් එක හා සමාන නොවේ. එබැවින් ඔබේ අභිරුචියට ගැලපෙන කාඩ්පතක් තෝරා ගැනීමට අවශ්‍ය වන අතර DFCC බැංකුව කීර්තිමත් ආයතනයක් ලෙස ඒ සඳහා අවශ්‍ය සහාය ඔබට ලබාදෙනු ඇත. විවිධ අවශ්‍යතා සපුරාලන පරිදි විවිධ වීසා ණය කාඩ්පත් (ක්‍රෙඩිට් කාඩ්පත්) අප පිරිනමන්නෙමු. ඔබ එදිනෙදා වියදම් සඳහා කාඩ්පතක්, සුවිශේෂ අවස්ථා සහ දීමනා සඳහා මං පෙත් විවර කරන කාඩ්පතක් හෝ ඔබ ලෝකයේ සංචාරය කරන විට සුවිශේෂී වරප්‍රසාද භුක්ති විඳීමට ඉඩ සලසන කාඩ්පතක් ආදි කුමන ආකාරයක ක්‍රෙඩිට් කාඩ්පතක් සොයමින් සිටියත් අපිට ඒ අවශ්‍යතාවන්ට සපුරාලිය හැක. සියළුම ඩීඑෆ්සීසී බැංකු ක්‍රෙඩිට් කාඩ්පත් සෑම ගනුදෙනුවකටම 1% ක මුදලක් ආපසු ලබා දෙයි, එයින් අදහස් වන්නේ ඔබ වියදම් කරන විට ඔබ ඉතිරි කිරීමද කරන බවයි. DFCC ක්‍රෙඩිට් කාඩ් සසඳුම මෙතනින්..

2.සරිලන අයවැයක් තබා ගන්න –ක්‍රෙඩිට් කාඩ්පතක් ඔබ කැමති ජීවන රටාව තෝරා ගැනීමේ ප්‍රවේශ පත්‍රයක් සේ හැඳින්විය හැකි වුවද අයවැය ප්‍රවේශමෙන් පරිහරණය කිරීමටත් අධික ලෙස වියදම් නොකිරීමටත් ඔබ අරමුණු කරගත යුතුය. ක්‍රෙඩිට් කාඩ් මගින් ඔබේ මිලදී ගැනීමේ ශක්තිය වැඩි වන බැවින් ඔබගේ කාඩ්පත හර අසීමාන්තිකව වියදම් කිරීමේ පෙළඹවුමකට ඔබ ඇබ්බැහි නොවිය යුතුය. එසේ නොවේ නම් ඔබ අනවශ්‍ය ණය බරකට ඇදවැටිය හැකිය. ඔබට සුදුසු යැයි හැගෙන‍ පරිදි ඔබේ කාඩ්පත භාවිතා කරන්න. නමුත් ආපසු ගෙවීම සැමවිටම මතකයේ තබා ගන්න. ඔබේ ගෙවීම් සම්බන්ධ කාරණයේදි ඉහළින්ම සිටීමට කටයුතු කරන්න. DFCC ක්‍රෙඩිට් කාඩ් සඳහා අයදුම් කිරීමේදී ඔබගේ අන්තර්ක්‍රියාකාරී ක්‍රෙඩිට් කාඩ් ප්‍රකාශණය සඳහා ලියාපදිංචි වන්න. එමඟින් ඔබේ වියදම් රටාව සටහන් සහ ප්‍රස්ථාර ඇසුරින් අන්තර්ක්‍රියාකාරීව පෙන්වනු ලබයි.

3.සෑම විටම අවමයට වඩා වැඩි මුදලක් ගෙවන්න – ගෙවීම් කටයුතු වලදී ඔබේ අවම ගෙවීමට වඩා වැඩි මුදලක් ගෙවීමට කටයුතු කිරීමෙන් ඔබේ ක්‍රෙඩිට් කාඩ් බිල්පත් ඉතා හොඳ මට්ටමකින් පවත්වාගෙන යාමට හැකිය. මෙයින් ඔබගේ ගෙවීම් ශේෂය අවමව තබාගත හැකි වන අතර ඔබට නිදහසේ වියදම් කිරීමට ඉඩ සැලසේ. හැකි සෑම විටම සම්පූර්ණ මුදල ගෙවීමට උත්සාහ කරන්න. DFCC ක්‍රෙඩිට් කාඩ් ආපසු ගෙවීමේ කැල්කියුලේටරය බලන්න.

4.නියමයන් සහ කොන්දේසි ප්‍රවේශමෙන් කියවන්න – ඔබ ක්‍රෙඩිට් කාඩ්පතක් සඳහා ලියාපදිංචි වීමට පෙර ඔබ නියමයන් සහ කොන්දේසි නිසි ලෙස කියවා ඇති බවට වග බලා ගන්න. මෙයින් ඔබගේ ක්‍රෙඩිට් කාඩ්පතෙන් ඔබට අපේක්ෂා කළ හැකි දේ මොනවාද යන්න මෙන්ම ඔබෙන් අපේක්ෂා කරන්නේ කුමක්ද යන්න පිළිබඳව ඔබට සම්පූර්ණයෙන්ම පැහැදිලි වනු ඇත. කිසිදු විෂමතාවයක් නොමැති බව සහතික කර ගැනීම සඳහා සෑම මසකම ඔබේ ගිණුම් ප්‍රකාශ කියවීමට කාලය ගත යුතුය.

5.ඔබගේ කාඩ්පත සුරක්ෂිත කරගන්න –ඔබ මුදල් තැන් තැන් වල දමා යන්නේද? ඔබ කිසිසේත්ම එසේ නොකරනු ඇත. ඔබේ ක්‍රෙඩිට් කාඩ්පත මුදල් තරම්ම වටිනා බව ඔබ කිසිවිටෙකත් අමතක නොකළ යුතුයි. එබැවින් එය පහසුවෙන් අන්තතරායකට පත්විය හැකි තැනක නොතැබීමට වගබලාගන්න. විශේෂයෙන්, ඔබගේ කාඩ්පත හෝ එහි විස්තර කිසිවෙකුට ලබා නොදෙන්න, විශේෂයෙන් පිටුපස ඇති CVV අංකය කිසිවෙකුට නොදෙන්න. DFCC බැංකුව හෝ වෙනත් විශ්වාසදායක මූල්‍ය හෝ වෙනත් ආයතනයක්, සමාගමක් කිසි විටෙකත් ඔබ හා සම්බන්ධ වී ඔබගේ කාඩ්පත් තොරතුරු ඉල්ලන්නේ නැත. ඔබේ ක්‍රෙඩිට් කාඩ් පත සුරක්ෂිත කරන්නේ කෙසේද යන්න පිළිබඳ වැඩිදුර දැන ගැනීම සඳහා මෙය බලන්න. (ඔබගේ ක්‍රෙඩිට් කාඩ් පත සුරක්ෂිතව තබා ගන්නේ කෙසේද යන්න දැනගන්න සම්බන්ධ වන්න)

ක්‍රෙඩිට් කාඩ්පතකින් ඔබට සුවිශේෂී දීමනා, වට්ටම් සහ වෙනත් වරප්‍රසාද ලබා දීමෙන් අවස්ථාවන් රැසක් සඳහා බොහෝ දොරටු විවර වනු ඇත. එමඟින් ඔබට අවශ්‍ය ජීවන රටාව වඩාත් පහසුවෙන් ලබා ගත හැකි අතර ඔබේ වියදම් අවම කිරීමට ඔබට ඉඩ සලසයි. කෙසේ වෙතත් හොඳම ප්‍රතිපල ලබා ගැනීමට නම් ඔබ ක්‍රෙඩිට් කාඩ් භාවිතා කරන විට ඒ හා බැඳි වගකීම් ඉටු කළ යුතුය. DFCC ක්‍රෙඩිට් කාඩ්පත්වල දීමනා සහ ප්‍රවර්ධන තොරතුරු මෙතැනින් බලන්න.