අපේ කැපවීම

අපේ කැපවීම

බැංකුවේ මූලික හරයන් සහ යහපත් උපායමාර්ගික පදනම නිසා DFCC බැංකුව සමාජීය සහ පාරිසරික සුබසාධනයට කැපවෙයි. ජනතාව අතර ඇතිවන සමාජීය සහ පාරිසරික ගැටළු නිරාකරණය කිරීමට අපි අපේ මූල්‍ය දැනුම සහ අනෙකුත් සම්පත් යොදාගන්නෙමු. එමෙන්ම විවිධාකාර සමාජ තලවල සිටින පුද්ගලයන්ගේ අදහස් හඳුනාගැනීම සඳහා ඔවුන් සමඟ සක්‍රීයව සහසම්බන්ධවීම වෙනුවෙන් අපි ‍අපේ බැංකුවේ සාමාජිකයන්ව උනන්දු කරමින් සහ මෙහෙයවමින් සිටින්නෙමු. එසේම අවශ්‍ය ඕනෑම මොහොතක උපකාරයේ දෑත ඔවුන් වෙත දිගු කිරීමට ද බලාසිටින්නෙමු.

ශ්‍රී ලංකා බැංකු සංගමය (SLBA) විසින් තිරසර බැංකුකරණයේ මූලිකාංග යටතේ හඳුන්වාදුන් එකලෙස් වැදෑරුම් තිරසර බැංකුකරණ මූලධර්ම සමඟ DFCC බැංකුව අනුගත විය.

වඩාත් සමෘද්ධිමත්, සාධාරණ හා තිරසාර ලෝකයක් ගොඩනැගීම සඳහා එක්සත් ජාතීන්ගේ තිරසර සංවර්ධන ඉලක්ක (SDGs) සාක්ෂාත් කර ගැනීමට DFCC බැංකුව කැපවී සිටී. මේ සම්බන්ධයෙන්, ‘ගුණාත්මක අධ්‍යාපනය, පුනර්ජනනීය බලශක්තිය, හොඳ රැකියා සහ ආර්ථික වර්ධනය, අඩු කළ අසමානතා, තිරසාර නගර සහ ප්‍රජාවන්, දේශගුණික ක්‍රියාකාරිත්වය සහ භූමියේ ජීවිතය වැනි SDGs කිහිපයක් පිළිබඳව අවධානය යොමු කර ඇත.

බැංකුවේ ශක්තිය සහ කාලීන තේමාවන්ට සමගාමීව ව්‍යවසාය සංවර්ධනය, අධ්‍යාපන, පාරිසරික සහ හදිසි සහන ඉලක්ක කරගනිමින් බැංකුවේ තිරසර මූලිකත්ව කේන්ද්‍රීය වැඩසටහන් සකස්වී තිබේ. මෙම ඉලක්කගත ක්‍රියාවලිය නිසා අවශ්‍යතා මතුවන කලාපවලට විශාල සාධනීය බලපෑමක් සිදුකිරීමට බැංකුවට හැකිවේ. බැංකුවේ ශාඛා ජාලය හරහා සමාජ සංවර්ධන වැඩසටහන් සංවිධානය කරමින් DFCC බැංකුව අදාළ ‍පිරිස් සමඟ එකට එක්වී ක්‍රියාත්මක වේ.