අධ්‍යක්ෂ මණ්ඩලය

2018 අගෝස්තු මාසයේදී DFCC බැංකුවේ අධ්‍යක්ෂ මණ්ඩලයට පත්කල අතර 2019 ජූලි මාසයේදී සභාපති ධුරයට පත් විය.

දුරෙයිරත්නම් මහතා වසර 36 ක කාලයක් Commercial බැංකුව සමඟ බැංකු කටයුතු පිළිබඳ පුළුල් අත්දැකීම් ලබා ඇත. ඔහු 2012 අපේ‍්‍රල් සිට 2014 ජූලි දක්වා Commercial බැංකුවෙහි අධ්‍යක්‍ෂවරයකු ලෙසත්, 2014 ජූලි මස සිට 2018 ජූලි 26 වන දින විශ්‍රාම යන තෙක් කළමනාකාර අධ්‍යක්‍ෂ / ප‍්‍රධාන විධායක නිලධාරී ලෙස සේවය කළේය.

ඔහු ප්‍රධාන මෙහෙයුම් නිලධාරි, ජාත්‍යන්තර නියෝජ්‍ය සාමාන්‍යාධිකාරී, ජාත්‍යන්තර සහකාර සාමාන්‍යාධිකාරී සහ ජාත්‍යන්තර ආනයන ප්‍රධානී ඇතුළු Commercial බැංකුවෙහි ජ්‍යෙෂ්ඨ කළමනාකරණ තනතුරු කිහිපයක සේවය කර ඇත. ඔහුගේ අත්දැකීම් අන්තර්ජාතික වෙළඳාම, අක්වෙරළ බැංකුකරණය, ණය සහ මෙහෙයුම් යන සියලු අංශ ආවරණය කරයි. ඔහු Commercial Development සමාගමෙහි කළමනාකාර අධ්‍යක්ෂ ධුරය දරා ඇති අතර සීමාසහිත ලංකා මූල්‍ය සේවා කාර්යාංශයේ අධ්‍යක්ෂකවරයෙකු ලෙස ද කටයුතු කර ඇත.

දුරෙයිරත්නම් මහතා පේරාදෙනිය විශ්ව විද්‍යාලයෙන් උපාධියක් ලබා ඇති අතර කොළඹ විශ්ව විද්‍යාලයෙන් විධායක ඩිප්ලෝමාවක් ලබා ඇත.

2019 ජූලි මාසයේදී DFCC Bank PLC අධ්‍යක්ෂ මණ්ඩලයට පත්කළේය.

2022 ජනවාරි 01 වැනිදා සිට DFCC Bank PLC හි ප්‍රධාන විධායක නිලධාරියා ලෙස තිමල් පෙරේරා මහතා සේවය කරයි. ජ්‍යෙෂ්ඨ විධායක නිලධාරියකු ලෙස බැංකු ක්ෂේත්‍රයේ මනා අත්දැකීම් සපිරි ඒ මහතා  HSBC බැංකු සමූහයේ ශ්‍රී ලංකාවේ සහ විදේශ බැංකු වල සේවය කර තිබේ. එමෙන්ම, කටාර් හි Commercial Bank of Qatar, එක්සත් අරාබි එමීර් රාජ්‍යයෙහි Barclays Bank Plc, සහ හැටන් නැෂනල් බැංකුවේ සේවය කළ අත්දැකීම් බහුල නිලධාරියෙකි. 

වර්තමානයේ දී Acuity Partners Ltd, Synapsys Ltd., සහ Acuity Stock Brokers (Pvt) Ltd හි අධ්‍යක්ෂවරයකු ලෙස ද ඒ මහතා සේවය කරයි. HNB Assurance Plc, HNB General Insurance Ltd සහ HND Grameen Finance Ltd හි අධ්‍යක්ෂක මණ්ඩල සාමාජිකයකු ලෙස ද ඒ මහතා සේවය කර තිබේ.

ශ්‍රී ලංකා වරලත් ගණකාධිකාරීවරුන්ගේ ආයතනයෙහි සාමාජිකයකු වන පෙරේරා මහතා එක්සත් ජනපදයේ වරලත් කළමනාකරණ ගණකාධිකාරීවරුන්ගේ ආයතනයේ [Chartered Institute of Management Accountants (CIMA)] ද සුදුසුකම් ලැබූවෙකි.  

2017 නොවැම්බර් මාසයේ දී DFCC බැංකුවේ අධ්‍යක්ෂ මණ්ඩලයට පත්විය.

වෘත්තීය වරලත් ගණකාධිකාරී සේවා සපයන ලෝක ආයතනයක් වන Grant Thornton International-ශ්‍රී ලංකා කොට්ඨාශයට අයත් Kreston MNS & Co ආයතනයෙන් සිය වෘත්තීය ජීවිතය ආරම්භ කළ ප්‍රනාන්දු මහත්මිය, ගණකාධිකරණය, මූල්‍ය සහ මූල්‍ය කළමනාකරණය යන ක්‍ෂේත්‍රයේ වසර 20ක පමණ වෘත්තීය සහ වාණිජ අත්දැකීම් ලබාඇති ජ්‍යෙෂ්ඨ නිලධාරිනියකි.

ඇය දැනට R I L Property PLC ආයතනයේ ප්‍රධාන විධායක නිලධාරී/විධායක අධ්‍යක්ෂ ධූරයන් දරයි.

Readywear Industries Ltd, Foodbuzz (Pvt ) Ltd, R I L Trust Ltd, United Motors Lanka PLC, TVS Lanka (Pvt) Ltd, Unimo Enterprises Ltd, Orient Motor Company Ltd සහ UML Heavy Equipment Ltd හි අධ්‍යක්ෂකවරියක ලෙසත් United Motors Lanka PLC හී ගණකාධිකාරී කමිටුවේ ප්‍රධානියා ලෙසත් කටයුතු කරයි.

ශ්‍රී ලංකා වරලත් ගණකාධිකාරීවරුන්ගේ සංගමයේ සමාජිකාවක වන ඇය ශ්‍රී ලංකා සහතිකලත් විධායක ගණකාධිකාරීවරුන්ගේ ආයතනයේ ද සාමාජිකාවකි.

2018 දෙසැම්බර් මාසයේ දී DFCC බැංකුවේ අධ්‍යක්ෂ මණ්ඩලයට පත්විය.

සංචාරක, වනජීවි සහ ක්‍රිස්තියානි ආගම් කටයුතු අමාත්‍යාංශයේ සහකාර ලේකම්(සංවර්ධන) ලෙස N K G K නෙම්මවත්ත මහතා දැනට සේවය කරයි.

රාජ්‍ය ක්ෂේත්‍රයේ නොයෙක් විධායක තනතුරු හොඹවා තිබෙන ඒ මහතා, මුදල් අමාත්‍යාංශයට අයත් පොදු සමාගම් දෙපාර්තමේන්තුවේ සමාන්‍යාධිකාරී, උසස් අධ්‍යාපන සහ අධිවේගී මාර්ග අමාත්‍යාංශයේ සහ පරිසර අමාත්‍යාංශයේ සහකාර ලේකම් ලෙසත් සේවය කරතිබේ. ශ්‍රී ලංකා සමෘද්ධි අධිකාරිය, ශ්‍රි ලංකා රේගු සහ වෙළඳ දෙපාර්තමේන්තු, බදු සහ ආයෝජන ප්‍රතිපත්ති ආදී ආයතනයන් හි අධ්‍යක්ෂවරයෙකු ලෙස සේවය කරතිබේ.

නෙම්මවත්ත මහතා කොළඹ විශ්ව විද්‍යාලයෙන් වාණිජවේදී විශේෂ උපාධිය හදාරා ඇත. කොළඹ විශ්ව විද්‍යාලයේ විමධ්‍යගත කිරීම් සහ ප්‍රා‍දේශීය පරිපාලන අධ්‍යනය පිළිබඳ පශ්චාත් ඩිප්ලෝමාවක් හදාරා ඇති අතර ශ්‍රී ජයවර්ධනපුර විශ්ව විද්‍යාලයෙන් කළමනාකරණය පිළිබඳ විද්‍යාවේදී උපාධිය හදාරා ඇත. එමෙන්ම ශ්‍රී ලංකා වරලත් ගණකාධිකාරීවරුන්ගේ සංගමයේ බලපත්‍රලාභී සාමාජිකයෙකි.

2020 ජූලි මාසයේදී DFCC බැංකුවේ අධ්‍යක්ෂ මණ්ඩලයට පත්විය.

ද සිල්වා විජේරත්න මහතා මූල්‍ය, විගණන සහ කළමනාකරණ ක්ෂේත්‍රවල වසර 28 කට වැඩි පළපුරුද්දක් ඇති අත්දැකීම් බහුල නිලධාරියෙකි. ඉන්වෙස්ට්කෝප් බැංකුව (Investcorp Bank) – බහරේන් (Bahrain), ග්‍රින්ඩ්ලේස් බහරේන් බැංකුව (Grindlays Bahrain Bank), අර්න්ස්ට් ඇන්ඩ් යංග් (Ernst & Young) – බහරේන් (Bahrain) සහ ශ්‍රී ලංකාවේ අර්නස්ට් ඇන්ඩ් යංග් (Ernst & Young) යන ආයතනවල ඔහු සේවය කර තිබේ. මීට අමතරව, ඔහු සීමාසහිත ශ්‍රී ලංකා නැනෝ තාක්ෂණික ආයතනයෙහි (පුද්ගලික) (SLINTEC) ප්‍රධාන විධායක නිලධාරී තනතුර වසර 5 කට වැඩි කාලයක් (2013 සිට 2019 දක්වා) හොබවා ඇත.

ඔහු දැනට යුනියන් ඇෂුවරන්ස් පීඑල්සී(Union Assurance PLC) හි ස්වාධීන අධ්‍යක්ෂවරයෙකු වන අතර විගණන හා අනුකූලතා කමිටුවේද සභාපතිවරයා ද වේ. මාස් හෝල්ඩින්ග්ස් (MAS Holdings) හි විගණන කමිටු සභාපති ධුරය හෙබවූ ඔහු, දත්ත විශ්ලේෂණ හා තොරතුරු තාක්‍ෂණ සම්බන්ධ සමාගමක් වන ZONE 24×7 හි ව්‍යාපාරික උපදේශකවරයෙකි. තවද “ගාමිණී කොරෙයා භාරකාර අරමුදලේ” සාමාජිකයෙකු සහ SLINTEC එන්ඩොව්මන්ට් ට්‍රස්ට් අරමුදලේ භාරකරුවකු වන අතර, අවාස්ටා (Avastha) හි මූල්‍ය උපදේශන සේවා ආයතනයේ මූලාරම්භක / හිමිකරු ලෙස ද කටයුතු කරයි.

ද සිල්වා විජේරත්න මහතා ශ්‍රී ලංකාවේ වරලත් ගණකාධිකාරීන්ගේ ආයතනයේ සාමාජිකයෙකු වන අතර එක්සත් රාජධානියේ වරලත් කළමනාකරණ ගණකාධිකාරී ආයතනයේ ද සාමාජිකයෙකි.

2021 සැප්තැම්බර් මාසයේදී DFCC බැංකුවේ අධ්‍යක්ෂ මණ්ඩලයට පත් කරන ලදී.

වසන්ත කුමාර මහතා වසර 22 කට වැඩි කාලයක් ANZ Grindlays බැංකුවේ සිට වසර 18 කට වැඩි කාලයක් මහජන බැංකුවේ බැංකුකරණයේ වසර 40 කට වැඩි පළපුරුද්දක් ඇත. ඔහු මහජන බැංකුවේ සේවා කාලය තුළ වසර 8ක කාලයක් මහජන බැංකුවේ ප්‍රධාන විධායක නිලධාරී/සාමාන්‍යාධිකාරී ලෙස සේවය කර ඇත.

ඔහු දැනට Ceylinco Insurance PLC, Senkadagala Finance PLC, Asset Trust Management (Pvt) Ltd, සහ Safe Holdings (Pvt) Ltd හි අධ්‍යක්ෂවරයෙක්.

ඔහු මීට පෙර පීපල්ස් ලීසිං ඇන්ඩ් ෆිනෑන්ස් පීඑල්සී, පීපල්ස් ඉන්ෂුවරන්ස් පීඑල්සී, පීපල්ස් මර්චන්ට් ෆිනෑන්ස් පීඑල්සී, පීපල්ස් ට්‍රැවල්ස් ලිමිටඩ්, ලංකා මූල්‍ය සේවා කාර්යාංශය සහ ශ්‍රී ලංකා ණය තොරතුරු කාර්යාංශය යන ආයතනවල අධ්‍යක්ෂවරයෙකු ලෙස කටයුතු කර ඇත. ඔහු ශ්‍රී ලංකා ෆොරෙක්ස් සංගමයේ සහ ප්‍රාථමික අලෙවිකරුවන්ගේ සංගමයේ හිටපු සභාපතිවරයෙකි.

වසන්ත කුමාර් මහතා එක්සත් රාජධානියේ වේල්ස් විශ්වවිද්‍යාලයෙන් ව්‍යාපාර පරිපාලනය පිළිබඳ ශාස්ත්‍රපති උපාධියක් දරයි.

2021 ඔක්තෝබර් මස සිට ක්‍රියාත්මක වන පරිදි DFCC බැංකුවේ අධ්‍යක්ෂ මණ්ඩලයට පත්කෙරේ.

ආර්නිලා ලක්ෂ්මි තම්බිඅයියා මහත්මිය වසර දෙකහමාරක කාලයක් කීල්ස් හොටෙල් මැනේජ්මන්ට් සහ ජෝන් කීල්ස් හෝල්ඩින්ස් (නව ව්‍යාපාර සංවර්ධන සහ සමූහ වැඩසටහන්) යන සමාගම් වල විධායක තනතුරු වල සේවය කර තිබේ. 2008 වසරේදී හොටෙල් රේණුකා සහ රේණුකා සිටි හොටෙල් යන හෝටල් වල සේවයට එක්වූ ඇය මේ වනවිට රේණුකා හොටෙල්ස් පීඑල්සී සහ රේණුකා සිටි හොටෙල්ස් පීඑල්සී යන සමාගම් වල සම කළමනාකාර අධ්‍යක්ෂවරියක ලෙස සේවය කරයි.

ඊට අමතරව ඇය කාගෝ බෝට් ඩිවලොප්මන්ට් සමාගම, කන්සල්ටන්ට් ඇන්ඩ් සර්විසස් සමාගම, රේණුකා ප්‍රොපර්ටීස් සමාගම, ලැන්කැස්ටර් හෝල්ඩින්ස් සමාගම, අමැල්ගමේටඩ් තියටර්ස් (පුද්.) සමාගම සහ පෝර්ට්ෆෝලියෝ මැනේජ්මන්ට් සර්විසස් (පුද්.) සමාගම යන සමාගම් වල අධ්‍යක්ෂවරියක ලෙසද කටයුතු කරයි.

එක්සත් රාජධානියේ නොටිංහැම් විශ්ව විද්‍යාලයෙන් කළමනාකරණ අධ්‍යයනය පිළිබඳ ගෞරව උපාධියක් හිමිකරගත් තම්බිඅයියා මහත්මිය එක්සත් රාජධානියේ මැන්චෙස්ටර් විශ්ව විද්‍යාලයේ මැන්චෙස්ටර් බිස්නස් ස්කූල් වෙතින් ජාත්‍යන්තර ව්‍යාපාර හා කළමනාකරණය පිළිබඳ විද්‍යාවේදී උපාධියක්ද හිමිකරගෙන තිබේ.

DFCC Bank PLC අධ්‍යක්ෂ මණ්ඩලයට 2022 සැප්තැම්බර් මාසයේදී පත්කරන ලදි.

විගණන සහ උපදේශන සේවාවන් සම්බන්ධයෙන් වසර 40 කට අධික පළපුරුද්දක් වැල්ලගේ රුවන් හර්ෂ ප්‍රනාන්දු මහතා සතු ය. ලැයිස්තුගත සමාගම් රැසක විගණන සහකරු ලෙස කටයුතු කර ඇති ඒ මහතා Ernst & Young සමාගමේ ප්‍රධානතම සේවාදායකයන් රැසකගේ ජ්‍යෙෂ්ඨ උපදේශක සහකරු ලෙසද සේවය කර තිබේ. ප්‍රනාන්දු මහතා 2016 අප්‍රේල් මාසයේ සිට 2021 ජූනි මාසයේදී විශ්‍රාම යන තෙක් Ernst & Young සමාගමේ මෙරට කළමනාකරණ හවුල්කරුවෙකු ලෙසද සේවය කළේ ය.

ප්‍රනාන්දු මහතා මීට පෙර ශ්‍රී ලංකා ජාතික වාණිජ මණ්ඩලයේ සහ අපනයනකරුවන්ගේ ජාතික වාණිජ මණ්ඩලයේ පාලන කමිටු සාමාජිකයෙකු ලෙසද සේවය කර තිබේ. මුදල් අමාත්‍යාංශය යටතේ පැවති රාජ්‍ය ව්‍යවසාය අංශ ප්‍රතිව්‍යුහගත කිරීම සම්බන්ධයෙන්ද පෙරමුණ ගෙන කටයුතු කළ ඒ මහතා, 1998 සහ 2003 අතර කාලය තුළ රාජ්‍ය ආයතන විශාල සංඛ්‍යාවක් ප්‍රතිව්‍යුහගත කිරීමේ සහ පෞද්ගලීකරණය කිරීමේ කටයුතු මෙහෙයවීම සිදුකළේ ය.

ප්‍රනාන්දු මහතා ශ්‍රී ලංකා වරලත් ගණකාධිකාරී සංගමයේ සහ එක්සත් රාජධානියේ වරලත් කළමනාකරණ ගණකාධිකාරී ආයතනයේ සාමාජිකයෙකුද වේ. ශ්‍රී ජයවර්ධනපුර විශ්ව විද්‍යාලයෙන් ව්‍යාපාර පරිපාලනය පිළිබඳ පශ්චාත් උපාධියක් ලබා ඇති ඒ මහතා, එක්සත් රාජධානියේ සහතිකලත් වරලත් ගණකාධිකාරී සංගමයේ සාමාජිකත්වයද දරයි.

DFCC Bank PLC අධ්‍යක්ෂ මණ්ඩලයට 2022 සැප්තැම්බර් මාසයේදී පත්කරන ලදි.

2014 වසරේදී LOLC සමූහ ව්‍යාපාරයට එක්වූ වසන්ත දියගහ බටගොඩ මහතා මේ වනවිට එහි නීතිමය අංශයේ ප්‍රධානී ලෙස කටයුතු කරයි. නීතීඥවරයෙකු වශයෙන් දශක දෙකකට අධික පළපුරුද්දක් ඒ මහතා සතු ය. නීතිපති දෙපාර්තමේන්තුවේ අතිරේක සොලිසිටර් ජනරාල්වරයාගේ කාර්ය මණ්ඩලයට අනියුක්තව තම පුහුණු කාලය සම්පූර්ණ කළ ඒ මහතා පසුව පෞද්ගලික අංශය වෙත යොමු විය. බටගොඩ මහතා ආයතනික සහ අපරාධ නීතිය පිළිබඳව හසළ දැනුමක් ඇත්තෙකි.

බටගොඩ මහතා 2021 වසරේ සිට මේ දක්වා ශ්‍රී ලංකා නීතීඥ සංගමයේ ආයතනික නීතීඥ කමිටුවේ සභාපතිවරයා ලෙස කටයුතු කරන අතර, LOLC සමූහ ව්‍යාපාරයේ දේශීය හා විදේශීය අනුබද්ධ සමාගම් රැසක අධ්‍යක්ෂ මණ්ඩලවලද සේවය කරයි.

කොළඹ විශ්ව විද්‍යාලයෙන් නීතිවේදී සහ නීතිපති උපාධි ලැබූ බටගොඩ මහතා මේ වනවිට එම විශ්ව විද්‍යාලයේ ආචාර්ය උපාධිය සඳහා සූදානම් වෙමින් සිටී.