DFCC வங்கி தற்போது LankaSign டிஜிட்டல் கையொப்பங்களை ஏற்றுக்கொள்வதுடன், இது டிஜிட்டல் செயலாக்கம் மற்றும் நிலைபேற்றியலுடனான நிதியில் முன்னணி வகிக்கிறது
September 19, 2023
நிலைபேற்றியலுடனான நிதி மற்றும் டிஜிட்டல் புத்தாக்கங்களில் முன்னோடியான DFCC வங்கி, தனது வாடிக்கையாளர்கள் அனைவருக்கும் வங்கிச்சேவை அனுபவத்தை மேம்படுத்துவதற்கும், சீரமைப்பதற்கும் மேற்கொண்டுள்ள ஒரு மேம்பாட்டு முயற்சி தொடர்பில் அறிவிப்பதில் பெருமிதம் கொள்கிறது. நிலைபேற்றியல் மற்றும் டிஜிட்டல் செயலாக்கத்தின் மீது DFCC வங்கி கொண்டுள்ள அர்ப்பணிப்பை அடிக்கோடிட்டுக் காட்டும் ஒரு நடவடிக்கையாக, வங்கி தற்போது LankaSign ஊடாக இடப்படும் டிஜிட்டல் கையொப்பங்களை ஏற்றுக்கொள்வதுடன், இந்த சேவையை இலங்கையில் முதன்முதலாக வழங்கும் வங்கிகளுள் ஒன்றாகவும் மாறியுள்ளது.
உலகில் பல்கிப்பெருகிய முறையில் டிஜிட்டல் அடிப்படையிலான எதிர்காலத்தை நோக்கி நகரும்போது பாதுகாப்பான மற்றும் நம்பகமான வழிமுறையில் டிஜிட்டல் கையொப்பங்களின் தேவை மிகவும் முக்கியமானது. DFCC வங்கி இந்தத் தேவையை இனங்கண்டு தனது வாடிக்கையாளர்களுக்கு அவர்கள் வங்கியுடன் தொடர்பாடுவதற்கு மிகவும் வசதியான மற்றும் டிஜிட்டல் ரீதியாக பாதுகாப்பான வழிமுறையை வழங்க LankaSign உடன் கூட்டுச் சேர்ந்துள்ளது. LankaSign ஆனது இலங்கையின் முன்னோடியான மற்றும் முன்னணி கொடுப்பனவு வலையமைப்பான LankaPay ஆல் இயக்கப்படுகிறது
அதன்படி, LankaSign உடன் பதிவு செய்துகொள்ளும் DFCC வங்கி வாடிக்கையாளர்கள், DFCC வங்கிக்கு அனைத்து முறையான கோரிக்கைகள் மற்றும் பரிவர்த்தனைகளை இலகுவாக DFCC வங்கிக்கு அனுப்பி, அவர்களின் டிஜிட்டல் கையொப்பங்களை அங்கீகரித்து, சரிபார்க்கலாம். இந்த புத்தாக்கமான மதிப்பு கூட்டல் வங்கிச்சேவை செயல்முறைகளை எளிதாக்கி, படிவங்களில் தங்கியிருப்பதை குறைத்து, மற்றும் இலத்திரனியல் வழியிலான பரிவர்த்தனைகளின் நம்பகத்தன்மை மற்றும் உண்மையை உறுதி செய்வதன் மூலம் பாதுகாப்பை மேம்படுத்துகிறது. டிஜிட்டல் கையொப்பங்கள் மூலம், வாடிக்கையாளர்கள் தங்கள் பரிவர்த்தனைகள் மற்றும் கணக்குகள் அங்கீகரிக்கப்படாதவர்களின் அணுகல் மற்றும் மோசடியான மாற்றங்களிலிருந்து பாதுகாக்கப்படுகின்றன என்று நம்பலாம்.
DFCC வங்கியின் பிரதம நிறைவேற்று அதிகாரியான திமால் பெரேரா அவர்கள், இந்த குறிப்பிடத்தக்க முன்னேற்றம் குறித்து தனது உற்சாகத்தை வெளிப்படுத்தினார்: “DFCC வங்கியில், நாம் எப்போதும் நிலைபேற்றியல் மற்றும் டிஜிட்டல் புத்தாக்கங்களை வழி நடத்துவதை இலக்காகக் கொண்டுள்ளோம். LankaSign ஊடாக டிஜிட்டல் கையொப்பங்களை ஏற்றுக்கொள்வது எமது வாடிக்கையாளர்களுக்கு மிகவும் தங்குதடையற்ற மற்றும் பாதுகாப்பான வங்கிச்சேவை அனுபவத்தை வழங்குகிறது. இந்த முயற்சி சுற்றுச்சூழல் நலனுக்கான எமது அர்ப்பணிப்புடன் முழுமையாக ஒத்துப்போகிறது, ஏனெனில் இது படிவங்கள் அடிப்படையிலான பரிவர்த்தனைகளின் தேவையை குறைப்பதுடன், சூழல்நேய, பசுமையான வங்கிச்சேவை அனுபவத்தை ஊக்குவிக்கிறது,” என்று குறிப்பிட்டார்.
இந்தச் சாதனையானது, தொழில்நுட்ப முன்னேற்றங்களில் முன்னணியில் இருப்பதற்கும் அதன் வாடிக்கையாளர்களுக்கு புத்தாக்கமான தீர்வுகளை வழங்குவதற்கும் வங்கியின் உறுதிப்பாட்டை அடிக்கோடிட்டுக் காட்டுகிறது. இது DFCC வங்கியின் முதன்முதல் மற்றும் இற்றைவரை அங்கீகாரம் பெற்ற ஒரேயொரு பசுமை காலநிலை நிதி உறுப்பினராக (Green Climate Fund member -GCF) நீடித்து நிலைத்திருப்பதற்கான உறுதிப்பாட்டை பிரதிபலிக்கிறது.
“DFCC வங்கியில், நிலைபேற்றியலுடனான மற்றும் டிஜிட்டல் ரீதியில் வலுவூட்டப்பட்ட எதிர்காலத்தை வடிவமைப்பதில் நாங்கள் தீவிரமான ஈடுபாட்டுடன் உள்ளோம். இதில் வசதிகள் பாதுகாப்பையும், பல்வேறு தயாரிப்புகள் மற்றும் சேவைகள் தங்குதடையற்ற அணுகலுடன் ஒன்றிணைகின்றன,” என்று DFCC வங்கியின் பிரதம செயல்பாட்டு அதிகாரியான அசங்க உடுவெல அவர்கள் கூறினார். “தலைசிறந்த அனுபவங்கள் மற்றும் நிலைபேற்றியலுடனான நிதி என்பது ஒரு நாணயத்தின் இரு பக்கங்கள் என நாம் நம்புவதுடன், ஒன்றை அடைவது என்பது மற்றொன்றையும் ஒன்றுசேர அடையப்பெறுவதற்கு சமமாகும். இந்த புதிய தொழில்நுட்ப அம்சத்தின் மூலம், தங்குதடையற்ற டிஜிட்டல் வங்கிச்சேவையின் புதிய சகாப்தத்தை நாங்கள் ஆவலுடன் எதிர்நோக்குகிறோம்,” என்று அவர் தொடர்ந்தும் குறிப்பிட்டார்.
DFCC வங்கியானது, 2020 ஆம் ஆண்டில் முறைசார் நிலைபேண்தகைமை மூலோபாயத்தை அறிமுகப்படுத்திய முதல் வங்கி மற்றும் மிக சமீபத்தில் பசுமை நிலையான வைப்புக்கள் உட்பட, இலங்கையில் நிலைபேற்றியல் சார்ந்த முயற்சிகளில் நீண்ட காலமாக முன்னணியில் திகழ்ந்து வருகிறது. 1988 ஆம் ஆண்டு முதல், வங்கியானது புதுப்பிக்கத்தக்க எரிசக்தி செயற்திட்டங்களுக்கு நிதியுதவி அளித்து, நாடு முழுவதும் நிலைபேற்றியலுடனான மாற்றத்தை ஏற்படுத்துவதில் வழிகாட்டியாக செயற்பட்டுவருகிறது.
LankaSign இற்காக பதிவுசெய்தல் மற்றும் DFCC வங்கியின் இந்த வியப்பூட்டும் மதிப்பு கூட்டப்பட்ட தொழில்நுட்ப அம்சத்தைப் பயன்படுத்திக் கொள்வது பற்றிய கூடுதல் தகவல் விபரங்களுக்கு, 0112350000 என்ற தொலைபேசி இலக்கத்தினூடாக DFCC வங்கியின் 24 மணி நேர வாடிக்கையாளர் சேவை மையத்தைத் தொடர்பு கொள்ளவும்.
DFCC வங்கி பற்றிய விபரங்கள்
DFCC வங்கியானது 68 ஆண்டுகால வளமான வரலாற்றைக் கொண்ட முழுமையான சேவைகளை வழங்கும் ஒரு வணிக வங்கி என்பதுடன், பல்வேறு வணிக மற்றும் அபிவிருத்தி வங்கிச் சேவைகளை வழங்கி வருகிறது. அதன் நிலைபேற்றியல் மூலோபாயம் 2020-2030 இன் ஒரு பகுதியாக, வங்கியானது நெகிழ்திறன் கொண்ட வணிகங்களை தோற்றுவித்தல் மற்றும் பசுமை நிதிவசதி மற்றும் நிலைபேண்தகு, சமூகப் பொறுப்புணர்வுள்ள தொழில்முயற்சியாண்மை ஆகியவற்றை ஆதரிப்பதன் மூலம் மகத்தான நெகிழ்திறனுக்கு பங்களிப்பதில் ஒரு முன்னணி நிறுவனமாக மாறுவதை நோக்கமாகக் கொண்டுள்ளது, ஐக்கிய இராச்சியத்தின் Global Brands சஞ்சிகையால் 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ மற்றும் Euromoney இன் ‘Market leader in Cash Management 2021’ உட்பட பல பாராட்டுக்களையும், அங்கீகாரங்களையும் பெற்றுள்ளது. மேலும், DFCC வங்கியானது Business Today சஞ்சிகையால் இலங்கையின் சிறந்த 40 வர்த்தக நிறுவனங்களின் தரவரிசையிலும் பெயரிடப்பட்டுள்ளதுடன், Fitch Ratings Lanka Limited ஆல் A- (lka) தரப்படுத்தப்பட்டு, இலங்கை மத்திய வங்கியால் கட்டுப்படுத்தப்படுகிறது. நிலைபேற்றியலுக்கான அதன் அர்ப்பணிப்பிற்கு சான்றளிக்கும் வகையில், இலங்கையில் பசுமை காலநிலை நிதியத்தின் (Green Climate Fund – GCF) அங்கீகாரத்தைப் பெற்ற முதன்முதலான மற்றும் தற்போது வரையான ஒரேயொரு நிறுவனம் DFCC வங்கி என்பது குறிப்பிடத்தக்கது. இது நாடு முழுவதும் காலநிலைத் தணிவிப்பு மற்றும் அது சார்ந்த மாற்றத்தை உள்வாங்கும் செயல்திட்டங்களுக்கு ஆதரவாக 250 மில்லியன் அமெரிக்க டொலர்கள் மதிப்பிலான சலுகை நிதியைப் பெறுவதற்கான வாய்ப்பினை வழங்குகிறது.
