DFCC வங்கியின் Read the Way பிரச்சாரம் தகுதியான மாணவர்களின் வாழ்க்கையில் பிரகாசமான மற்றும் நேர்மறையான தாக்கத்தை ஏற்படுத்துகிறது
August 31, 2023
மாற்றத்திற்கான பயணத்தின் ஆரம்பமாக, DFCC Read the Way 2023 நிலைபேண்தகு முயற்சி வெற்றிகரமாக நிறைவடைந்துள்ளதுடன், இது இளம் உள்ளங்களிலும், எண்ணங்களிலும் அழியாத முத்திரையை பதித்துள்ளது. இலங்கையில் பின்தங்கிய சிறுவர்களுக்கான கல்வியை மேம்படுத்துவதற்கான உறுதியான அர்ப்பணிப்புடன், இந்த முயற்சியானது கற்றல் கலாச்சாரத்தை ஊக்குவிக்க உதவியுள்ளது.
தொடர்புபட்ட அனைத்து மதிப்புமிக்க தரப்பினரின் கூட்டு முயற்சியின் மூலம், 19 மாவட்டங்களில் உள்ள 50 பாடசாலைகளில் 14,000 க்கும் மேற்பட்ட மாணவர்களை இந்த திட்டம் எட்டியுள்ளதுடன், இது நிதியியல் சவால்களை எதிர்கொள்பவர்களுக்கு நம்பிக்கையின் கலங்கரை விளக்கமாக தலைப்பட்டுள்ளது. வாசிப்பு மீதான ஆர்வத்தை வளர்ப்பதன் மூலம், DFCC Read the Way முயற்சியானது, ஐக்கிய நாடுகள் நிலைபேண்தகு அபிவிருத்தி இலக்கு 4 உடன் எதிரொலிக்கும் அதே வேளையில், அனைவருக்கும் உள்ளடக்கிய கல்வி மற்றும் வாழ்நாள் முழுவதும் கற்பதற்கான வாய்ப்புகளை உறுதி செய்ய உழைத்து வருகிறது. ஒளிமயமான எதிர்காலத்தை செதுக்குவதில் கல்வியின் ஆற்றலைக் கொண்டாட DFCC வங்கி இந்த வாய்ப்பைப் பயன்படுத்துகிறது!
DFCC வங்கியின் அதிகாரிகள் பல்வேறு பாடசாலைகளில் மாணவர்களுக்கு புத்தகங்களை கையளித்து, கிராமப்புறங்களில் உள்ள பல இளம் மாணவர்களின் முகங்களில் பிரகாசத்தைக் கொண்டு வருவது படத்தில் காணப்படுகிறது.
DFCC வங்கி பற்றிய விபரங்கள்
DFCC வங்கியானது 68 ஆண்டுகால வளமான வரலாற்றைக் கொண்ட முழுமையான சேவைகளை வழங்கும் ஒரு வணிக வங்கி என்பதுடன், பல்வேறு வணிக மற்றும் அபிவிருத்தி வங்கிச் சேவைகளை வழங்கி வருகிறது. அதன் நிலைபேற்றியல் மூலோபாயம் 2020-2030 இன் ஒரு பகுதியாக, வங்கியானது நெகிழ்திறன் கொண்ட வணிகங்களை தோற்றுவித்தல் மற்றும் பசுமை நிதிவசதி மற்றும் நிலைபேண்தகு, சமூகப் பொறுப்புணர்வுள்ள தொழில்முயற்சியாண்மை ஆகியவற்றை ஆதரிப்பதன் மூலம் மகத்தான நெகிழ்திறனுக்கு பங்களிப்பதில் ஒரு முன்னணி நிறுவனமாக மாறுவதை நோக்கமாகக் கொண்டுள்ளது, ஐக்கிய இராச்சியத்தின் Global Brands சஞ்சிகையால் 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ மற்றும் Euromoney இன் ‘Market leader in Cash Management 2021’ உட்பட பல பாராட்டுக்களையும், அங்கீகாரங்களையும் பெற்றுள்ளது. மேலும், DFCC வங்கியானது Business Today சஞ்சிகையால் இலங்கையின் சிறந்த 40 வர்த்தக நிறுவனங்களின் தரவரிசையிலும் பெயரிடப்பட்டுள்ளதுடன், Fitch Ratings Lanka Limited ஆல் A- (lka) தரப்படுத்தப்பட்டு, இலங்கை மத்திய வங்கியால் கட்டுப்படுத்தப்படுகிறது. நிலைபேற்றியலுக்கான அதன் அர்ப்பணிப்பிற்கு சான்றளிக்கும் வகையில், இலங்கையில் பசுமை காலநிலை நிதியத்தின் (Green Climate Fund – GCF) அங்கீகாரத்தைப் பெற்ற முதன்முதலான மற்றும் தற்போது வரையான ஒரேயொரு நிறுவனம் DFCC வங்கி என்பது குறிப்பிடத்தக்கது. இது நாடு முழுவதும் காலநிலைத் தணிவிப்பு மற்றும் அது சார்ந்த மாற்றத்தை உள்வாங்கும் செயல்திட்டங்களுக்கு ஆதரவாக 250 மில்லியன் அமெரிக்க டொலர்கள் மதிப்பிலான சலுகை நிதியைப் பெறுவதற்கான வாய்ப்பினை வழங்குகிறது.