DFCC வங்கி, ACEF Asia Leaders Awards 2023 நிகழ்வில் சிறந்த டிஜிட்டல் சந்தைப்படுத்தல் விளம்பர பிரச்சாரத்திற்கான தங்க விருதைப் பெற்றுள்ளது
September 20, 2023
எதிர்காலத்தை சிறப்பாக எதிர்கொள்ளும் “அனைவருக்கும் ஏற்ற வங்கியான” DFCC வங்கி, மதிப்புமிக்க ACEF Asia Leaders Awards 2023 நிகழ்வில் யூடியுப்பில் சிறந்த சமூக ஊடக உள்ளடக்கத்திற்கான தங்க விருதை வென்றதன் மூலம் சர்வதேச அரங்கில் தனது திறமையை மீண்டும் நிரூபித்துள்ளது. அதன்படி, இது தொடர்ச்சியாக 3 வது வருடத்திலும் DFCC வங்கியானது ACEF Asia Leaders Awards நிகழ்வில் டிஜிட்டல் சந்தைப்படுத்தலுக்கான விருதுகளைப் பெற்றுள்ளது. இந்த குறிப்பிடத்தக்க சாதனையானது, DFCC வங்கி புத்தாக்கத்தின் மீது கொண்டுள்ள அர்ப்பணிப்பு மற்றும் இலங்கையின் கலாச்சாரம் மற்றும் வணிக துறையுடன் அதன் ஆழமாக வேரூன்றிய பிணைப்பிற்கு சிறந்த சான்றாகும்.
உள்ளடக்கத்தால் நிரம்பிவழியும் டிஜிட்டல் உலகில், DFCC வங்கி தனது 2022 புத்தாண்டுப் பிரச்சாரத்தில் வணிக சாமர்த்தியத்துடன் கலாச்சார விழுமியங்களை தங்குதடையின்றி இணைப்பதன் மூலம் தனித்துவமாக தன்னை நிலைநிறுத்தியது. “DFCC Bank Avurudu Hallmark YouTube Video 2022” என்ற தலைப்பில் வெற்றி பெற்ற நுழைவு விண்ணப்பம், பார்வையாளர்கள் மற்றும் நடுவர்களின் இதயங்களில் ஒரு அழியாத முத்திரையை பதித்துள்ளது.
DFCC வங்கியின் பிரதித் தலைவரும், சந்தைப்படுத்தல் மற்றும் நிலைபேற்றியலுக்கான தலைமை அதிகாரியுமான நில்மினி குணரத்ன அவர்கள் தனது மகிழ்ச்சியை வெளிப்படுத்தி, கருத்து வெளியிடுகையில்: “இந்த தங்க விருது சந்தைப்படுத்தலில் மேன்மையுடன் விளங்குவதற்கான எமது அர்ப்பணிப்பையும், இலங்கையின் வர்த்தக சூழலை மேம்படுத்துவதற்கான எமது ஓயாத அர்ப்பணிப்பையும் வலியுறுத்துகிறது. இலங்கையின் கலாச்சார பாரம்பரியம் மற்றும் அதன் முக்கியத்துவம் வாய்ந்த நுண், சிறிய மற்றும் நடுத்தர அளவிலான தொழில் முயற்சித் துறையின் பாதுகாப்பு மற்றும் ஊக்குவிப்புக்கு பங்களிக்கும் வகையில், எமது வர்த்தகநாமத்தை ஊக்குவிக்கும் பிரச்சாரத்தை உருவாக்குவதில், எமது அணியின் முயற்சிகளையிட்டு நாம் பெருமை கொள்கிறோம். இந்த விருது எமது சந்தைப்படுத்தல் கலவை மற்றும் மூலோபாயத்தின் செயல்திறனை பிரதிபலிப்பதுடன், எமது இலக்காக அமைந்த பிரிவுகளுடன் தொடர்புகளை ஏற்படுத்திக் கொள்வதற்கு இது தற்;போது டிஜிட்டல் சந்தைப்படுத்தலின் ஒருங்கிணைந்த பகுதியாக உள்ளது. அவர்களின் அபிமானத்திற்குரிய டிஜிட்டல் தளங்கள் மூலம் அவர்களுடனான ஈடுபாடு மற்றும் வர்த்தகநாம விழிப்புணர்வை முன்னெடுக்கின்றது,” என்று குறிப்பிட்டார்.
இந்த பிரச்சாரத்தின் தனித்துவமானது, கலாச்சார மற்றும் வணிக விழுமியங்களை ஒத்திசைவாக இணைக்கும் திறனில் தங்கியுள்ளது. இந்த காணொளியானது சிங்கள மற்றும் தமிழ் புத்தாண்டின் செழுமையான பாரம்பரியங்களை கொண்டாடியது மட்டுமன்றி, இலங்கையின் பொருளாதாரத்தில் நுண், சிறிய மற்றும் நடுத்தர அளவிலான தொழில் முயற்சிகளின் முக்கிய வகிபாகத்தினை அடிக்கோடிட்டுக் காட்டியது. இந்த ஆக்கபூர்வமான அணுகுமுறை பார்வையாளர்கள் மத்தியில் சிறப்பாக எதிரொலித்ததுடன், இலக்கு வைக்கப்பட்ட பிரிவு மற்றும் பொதுமக்கள் மத்தியில் DFCC வங்கி என்ற வர்த்தகநாமம் பற்றிய விழிப்புணர்வை அவர்களின் சிந்தனையில் உச்சத்தில் திகழும் வகையில் மூலோபாய ரீதியாக மேம்படுத்தியது.
“சிங்கள மற்றும் தமிழ் புத்தாண்டு இலங்கையில் மிகப்பெரிய மற்றும் மிகவும் பரவலாக கொண்டாடப்படும் கலாச்சார பண்டிகையாகும். இது கலாச்சாரம், பாரம்பரியம் மற்றும் குடும்ப விழுமியங்களை மையமாகக் கொண்டது,” என்று நில்மினி அவர்கள் மேலும் விளக்கினார். “எனவே, 2022 புத்தாண்டில் வித்தியாசமாக ஏதாவதொன்றை செய்ய நாம் விரும்பினோம். அந்த நேரத்தில், நுண், சிறிய மற்றும் நடுத்தர அளவிலான தொழில்துறை மற்றும் நுகர்வோர் மீது பெரும் தாக்கத்தை ஏற்படுத்திய தொற்றுநோயால் ஏற்பட்ட மோசமான பொருளாதார பாதிப்பிலிருந்து நாடு மீண்டு வந்துகொண்டிருந்தது. நுண், சிறிய மற்றும் நடுத்தர அளவிலான தொழில்துறைகள் மற்றும் தனிநபர்களுக்கு உதவுவதில் உறுதிபூண்டுள்ள வங்கியாக, ஒரு புத்தாக்கமான அணுகுமுறையைப் பயன்படுத்தி, ஒரு வங்கியாக நமது விழுமியங்களை மூலோபாயரீதியாக உள்ளிணைத்து, புத்தாண்டின் கலாச்சார விழுமியங்களை காட்சிப்படுத்துவதற்காக இக்காணொளியை நாங்கள் வடிவமைத்துள்ளோம்,” என்று தொடர்ந்தும் குறிப்பிட்டார்.
இக்காணொளி முழுவதும் DFCC வங்கியின் வர்த்தகநாம கூறுகளின் மூலோபாய ஸ்தானமானது, வலுவான வர்த்தகநாம தெரிவுநிலையை உறுதிசெய்தது. இது இந்த பிரச்சாரத்தை தனித்துவமாக்குவதற்கான முக்கிய காரணியாகும். காணொளியின் துடிப்பான இசை, உரையாடல் மற்றும் உணர்ச்சிகள் ஒரு புதிய கண்ணோட்டத்தையும், ஆழம் மற்றும் ஈடுபாட்டின் வீச்சையும் மேம்படுத்தியதுடன், ஒட்டுமொத்த வெளிப்பாட்டு விளைவையும் மேம்படுத்துகிறது.
பிரச்சாரத்தின் ஒரு முக்கிய அம்சம் என்னவெனில், DFCC வங்கியின் புத்தாக்கமான விளம்பர மூலோபாயமாகும். பல்வேறு சமூக ஊடகத் தளங்களின் தன்மையை உணர்ந்து, முகநூல் மற்றும் இன்ஸ்டாகிராம் உள்ளிட்ட Meta தளங்களில் விளம்பரம் செய்வதற்கான தனித்துவமான அணுகுமுறையை வங்கி பரிசோதித்தது. இந்த அணுகுமுறை நல்ல வரவேற்பைப் பெற்றதுடன், இந்த தளங்களின் பார்வையாளர்களை யூடியுப்பில் உள்ள முக்கிய காணொளிக்கு திறம்பட வழிநடத்துகிறது.
யூடியுப்பில் 87,000 பார்வைகளுடன், இந்த காணொளி DFCC வங்கியின் கலாச்சார கொண்டாட்டம் மற்றும் நுண், சிறிய மற்றும் நடுத்தர அளவிலான தொழில் முயற்சிகளுக்கான ஆதரவு பற்றிய செய்திக்கு கணிசமான அளவில் வெளிப்பாட்டு விளைவை ஏற்படுத்தியுள்ளது. இந்த காணொளி இப்போது தொழில்முயற்சியாளர் உணர்வை வளர்ப்பதற்கும், இலங்கை கலாச்சாரத்தின் சாரத்தைக் கொண்டாடுவதற்குமான DFCC வங்கியின் உறுதிப்பாட்டை பிரதிபலிக்கிறது.
ACEF Asia Leaders Awards 2023 நிகழ்வில் DFCC வங்கியின் சாதனையானது, ஆக்கபூர்வமான சந்தைப்படுத்துதலில் வங்கியை ஒரு முன்னணி நிறுவனமாக நிலைநிறுத்துவது மட்டுமன்றி, இலங்கையின் சமூகப் பொருளாதார அபிவிருத்திக்கான அதன் அர்ப்பணிப்பையும் அடிக்கோடிட்டுக் காட்டுகிறது. வங்கித் துறை தொடர்ந்து வளர்ச்சியடைந்து வருவதால், படைப்பாற்றல் மற்றும் புத்தாக்கத்துக்கான புதிய தரங்களை அமைப்பதில், DFCC வங்கி முன்னணியில் உள்ளது.
நில்மினி குணரத்ன, உப தலைவர் – சந்தைப்படுத்தல் மற்றும் நிலைபேற்றியல் துறையின் தலைவர் – DFCC வங்கி
DFCC வங்கி பற்றிய விபரங்கள்
DFCC வங்கியானது 68 ஆண்டுகால வளமான வரலாற்றைக் கொண்ட முழுமையான சேவைகளை வழங்கும் ஒரு வணிக வங்கி என்பதுடன், பல்வேறு வணிக மற்றும் அபிவிருத்தி வங்கிச் சேவைகளை வழங்கி வருகிறது. அதன் நிலைபேற்றியல் மூலோபாயம் 2020-2030 இன் ஒரு பகுதியாக, வங்கியானது நெகிழ்திறன் கொண்ட வணிகங்களை தோற்றுவித்தல் மற்றும் பசுமை நிதிவசதி மற்றும் நிலைபேண்தகு, சமூகப் பொறுப்புணர்வுள்ள தொழில்முயற்சியாண்மை ஆகியவற்றை ஆதரிப்பதன் மூலம் மகத்தான நெகிழ்திறனுக்கு பங்களிப்பதில் ஒரு முன்னணி நிறுவனமாக மாறுவதை நோக்கமாகக் கொண்டுள்ளது, ஐக்கிய இராச்சியத்தின் Global Brands சஞ்சிகையால் 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ மற்றும் Euromoney இன் ‘Market leader in Cash Management 2021’ உட்பட பல பாராட்டுக்களையும், அங்கீகாரங்களையும் பெற்றுள்ளது. மேலும், DFCC வங்கியானது Business Today சஞ்சிகையால் இலங்கையின் சிறந்த 40 வர்த்தக நிறுவனங்களின் தரவரிசையிலும் பெயரிடப்பட்டுள்ளதுடன், Fitch Ratings Lanka Limited ஆல் A- (lka) தரப்படுத்தப்பட்டு, இலங்கை மத்திய வங்கியால் கட்டுப்படுத்தப்படுகிறது. நிலைபேற்றியலுக்கான அதன் அர்ப்பணிப்பிற்கு சான்றளிக்கும் வகையில், இலங்கையில் பசுமை காலநிலை நிதியத்தின் (Green Climate Fund – GCF) அங்கீகாரத்தைப் பெற்ற முதன்முதலான மற்றும் தற்போது வரையான ஒரேயொரு நிறுவனம் DFCC வங்கி என்பது குறிப்பிடத்தக்கது. இது நாடு முழுவதும் காலநிலைத் தணிவிப்பு மற்றும் அது சார்ந்த மாற்றத்தை உள்வாங்கும் செயல்திட்டங்களுக்கு ஆதரவாக 250 மில்லியன் அமெரிக்க டொலர்கள் மதிப்பிலான சலுகை நிதியைப் பெறுவதற்கான வாய்ப்பினை வழங்குகிறது.