DFCC வங்கி தொடர்ந்து 3வது ஆண்டாக Euromoney Cash Management – Market Leader Award என்ற விருதை வென்றுள்ளது
November 7, 2023
பரபரப்பாக சுழன்று கொண்டிருக்கின்ற நிதி உலகில், மகத்துவத்திற்கான அங்கீகாரம் என்பது இலகுவில் பெற்றுக்கொள்ளக்கூடிய ஒரு விடயமல்ல. புத்தாக்கம், வாடிக்கையாளர்கள் மீதான ஓயாத அர்ப்பணிப்பு, வணிகங்களில் மாற்றத்திற்கு வித்திடுகின்ற விளைவு, வலுவான விழுமியங்கள் மற்றும் பிரகாசமான எதிர்காலத்திற்கான திடசங்கல்பம் ஆகியன அதற்குத் தேவைப்படுகின்றன. DFCC வங்கியின் iConnect எனப்படும் பண முகாமைத்துவத் தீர்வு (Cash Management Solution) மேற்குறிப்பிட்ட பண்புகள் அனைத்தையும் கொண்டுள்ளதுடன், தொடர்ந்து 3வது ஆண்டாகவும் பெருமதிப்புமிக்க Euromoney Cash Management – Market Leader Award 2023 என்ற விருதை தனதாக்கி, அதனை நிரூபித்துள்ளது. இந்த போற்றத்தக்க சாதனையானது, இன்றை வலுவான பொருளாதாரச் சூழலில் வெற்றிகாண்பதற்கு வணிகளுக்கு வலுவூட்டி, புத்தாக்கம், சேவை நோக்கு மற்றும் வாடிக்கையாளர்களை மையமாகக் கொண்ட நிதியியல் தீர்வுகளின் முன்னோடி என்ற DFCC வங்கியின் ஸ்தானத்தை மீளவும் உறுதிப்படுத்தும் வகையில் அமைந்துள்ளது.
DFCC iConnect இலத்திரனியல் வங்கிச்சேவை தளமானது, புத்தாக்கத்தின் மீதான அதன் அர்ப்பணிப்பு, பாதுகாப்பான, திறன்மிக்க மற்றும் பிரத்தியேகமாக வடிவமைக்கப்பட்ட டிஜிட்டல் கொடுப்பனவுகள் மற்றும் பண முகாமைத்துவத் தீர்வுகளை வழங்குவதில் புத்தாக்கமான தொழில்நுட்பத்தின் அனுகூலங்களை தொடர்ச்சியாக பயன்படுத்தல் காரணமாக தனித்துவம் பெற்றுள்ளது. பரிவர்த்தனைகளை சீரமைத்து, ஒருங்கிணைப்பது மாத்திரமன்றி, ஒட்டுமொத்த வாடிக்கையாளர் அனுபவத்தையும் மேம்படுத்துகின்ற புத்தாக்கமான தொழில்நுட்பங்களை தொடர்ச்சியாக அறிமுகப்படுத்துவில் DFCC iConnect பிரபலம் பெற்றுள்ளதுடன், வணிகங்களைப் பொறுத்தவரையில் டிஜிட்டல் நிதி வழிமுறையில் DFCC வங்கியை முன்னணியில் நிலைநிறுத்தியுள்ளது.
இது தொடர்பில் தனது மகிழ்ச்சியை வெளிப்படுத்திய DFCC வங்கியின் பிரதம நிறைவேற்று அதிகாரியான திமால் பெரேரா அவர்கள் கருத்து வெளியிடுகையில், “தொடர்ந்து 3வது ஆண்டாக Euromoney Cash Management – Market Leader Award விருதை வென்றுள்ளமை ஒரு மிகச் சிறந்த சாதனையாக உள்ளதுடன், மகத்துவம் மற்றும் புத்தாக்கத்தின் மீது எமது அர்ப்பணிப்பைப் பிரதிபலித்து, சந்தை முன்னோடி என்ற எமது ஸ்தானத்தை மீளவும் உறுதிப்படுத்தியுள்ளது. அதியுயர் தராதரங்களை நிலைநாட்டி, பெறுமதிமிக்க எமது வாடிக்கையாளர்களுக்கு மகத்தான நிதியியல் தீர்வுகளை தொடர்ந்தும் வழங்க ஆவலாக உள்ளோம். சேவையை மாத்திரம் வழங்குவது என்பதுடன் நின்றுவிடாது, நம்பிக்கையான மற்றும் நீண்டகாலம் நீடித்து நிலைக்கும் கூட்டாண்மைகளைக் கட்டியெழுப்புவதில் ஆவல் கொண்ட, வாடிக்கையாளர்களை மையப்படுத்திய எமது அணுகுமுறை, அனைத்து அளவிலான வணிகங்களினதும் நம்பிக்கை மிக்க தெரிவாக எம்மை மாற்றியுள்ளது. எம்மீது நம்பிக்கை வைத்துள்ள எமது வாடிக்கையாளர்களுக்கு நன்றி தெரிவிக்கும் அதேசமயம், இலங்கையில் டிஜிட்டல் நிதியியல் முன்னிலை வகிப்பதில் எமது தொடர்ச்சியான அர்ப்பணிப்பை நாம் மீளவும் உறுதிப்படுத்துகிறோம்,” என்று குறிப்பிட்டார்.
DFCC iConnect ஆனது இலங்கையில் வணிகங்களை வளர்ச்சிக்கான மாற்றத்திற்கு வழிநடாத்தும் வகையில், நிதியியல் செயல்பாடுகளை உச்சபட்சமாக மேம்படுத்தி, செயல்திறனை அதிகரித்து, நடைமுறைகளை சீரமைத்து, ஒருங்கிணைத்து, மனித தலையீட்டுக்கான தேவையைக் குறைத்துள்ளது. எப்போதும் மாற்றங்கண்டு வருகின்ற நிதியியல் சூழலுக்கேற்ப அதன் தகவமைப்பு மற்றும் வேகமான நடவடிக்கைகள் இத்துறையில் மாற்றுக்கருத்துக்கு இடமின்றி சந்தை முன்னோடியாக அதனை மாற்றியுள்ளதுடன், தொழிற்துறையில் மாற்றம் மற்றும் புத்தாக்கத்தை முன்னெடுத்து, அவற்றை ஊக்குவித்து வருகின்றது. அதியுச்ச தரவுப் பாதுகாப்பு தராதரங்கள் மற்றும் நிதியியல் ஒழுங்குமுறைகளுடனான கண்டிப்பான இணக்கப்பாடு மீது DFCC iConnect கொண்டுள்ள அர்ப்பணிப்பு நிதியியல் பரிவர்த்தனைகள் அனைத்தும் அதிகபட்ச பாதுகாப்பு, உத்தரவாதம் மற்றும் வெளிப்படைத்தன்மையுடன் முன்னெடுக்கப்படுவதற்கு இடமளிக்கின்றது.
பல்வகைப்பட்ட தொழில்துறைகள் மற்றும் பல்வேறு அளவுபட்ட வணிகங்கள் மத்தியில் பரந்துபட்ட வாடிக்கையாளர்களுக்கு சேவைகளை வழங்கி வருகின்ற DFCC iConnect, அதன் மகத்துவமான பன்முகத்தன்மை மற்றும் தகவமைப்பு காரணமாக விசாலமான வகைப்பட்ட நிதியியல் தேவைகளை நிறைவேற்றும் தனது ஆற்றலை வெளிப்படுத்தியுள்ளது. தொழிற்துறை போக்குகளில் முன்னிலை வகிக்கின்ற தொழில் வல்லுனர்களைக் கொண்ட தலைசிறந்த திறமையும், அறிவும் கொண்ட அணியால் இத்தளம் வடிவமைக்கப்பட்டு, இயக்கப்பட்டு, பேணிப் பராமரிக்கப்பட்டு வருகின்றது. DFCC iConnect ஐ அதன் போட்டித்தளங்களிலிருந்து தனித்துவமாக வேறுபடுத்தி, தொடர்ச்சியான வெற்றியுடன் திகழ்வதற்கு அந்த அணியின் நிபுணத்துவமே அத்திவாரமாகும்.
புத்தாக்கத்தின் மீத வங்கி கொண்டுள்ள அர்ப்பணிப்பை வெளிப்படுத்தும் வகையில், DFCC iConnect ஆனது தற்சமயம் முழுமையான மறுசீரமைப்பிற்கு உட்படுத்தப்பட்டுள்ளது. முன்பை விடவும் கூடுதலான பயனர்நேயத்துடன், வலுவான வடிவமாக 2024 இன் முற்பகுதியில் இது அமுலாக்கப்படும் என எதிர்பார்க்கப்படுவதுடன், வாணிப நிதி மற்றும் வழங்கல் சங்கிலி நிதி அம்சங்களின் அமுலாக்கம் அடங்கலாக, பயனர் இடைமுக/அனுபவ மேம்பாடுகள் மற்றும் பன்முகப்பட்ட தொழிற்பாட்டு சிறப்பம்சங்கள் பலவற்றை வழங்கவுள்ளது.
DFCC iConnect க்கு Euromoney Cash Management – Market Leader Award 2023 விருது அங்கீகாரம் தொடச்சியாக 3 ஆண்டுகளாக DFCC வங்கிக்கு கிடைக்கப்பெற்றுள்ளமை, புத்தாக்கம், வாடிக்கையாளரை மையப்படுத்திய விழுமியங்கள் மற்றும் மாற்றத்திற்கு வித்திடும் வணிக விளைவுகள் ஆகியவற்றில் வங்கி கொண்டுள்ள மாசுமறுவற்ற அர்ப்பணிப்பை பிரதிபலிக்கின்றது. அதியுயர் தராதரங்களை நிலைநாட்டுதல், பண முகாமைத்துவத்தில் இன்னும் கூடுதலாக புத்தாக்கத்தை முன்னெடுத்தல், வாடிக்கையாளர் அனுபவங்களை தொடர்ச்சியாக மேம்படுத்தல் மற்றும் பெறுமதிமிக்க நிதியியல் தொழில்நுட்ப சூழல் கட்டமைப்பினை மேம்படுத்தல் ஆகியவற்றில் அர்ப்பணிப்புடன், அனைவருக்கு ஏற்ற வங்கி என்ற அர்ப்பணிப்பில் DFCC வங்கி தொடர்ந்தும் உறுதியாக உள்ளது.
DFCC வங்கி பற்றிய விபரங்கள்
DFCC வங்கியானது 68 ஆண்டுகால வளமான வரலாற்றைக் கொண்ட முழுமையான சேவைகளை வழங்கும் ஒரு வணிக வங்கி என்பதுடன், பல்வேறு வணிக மற்றும் அபிவிருத்தி வங்கிச் சேவைகளை வழங்கி வருகிறது. அதன் நிலைபேற்றியல் மூலோபாயம் 2020-2030 இன் ஒரு பகுதியாக, வங்கியானது நெகிழ்திறன் கொண்ட வணிகங்களை தோற்றுவித்தல் மற்றும் பசுமை நிதிவசதி மற்றும் நிலைபேண்தகு, சமூகப் பொறுப்புணர்வுள்ள தொழில்முயற்சியாண்மை ஆகியவற்றை ஆதரிப்பதன் மூலம் மகத்தான நெகிழ்திறனுக்கு பங்களிப்பதில் ஒரு முன்னணி நிறுவனமாக மாறுவதை நோக்கமாகக் கொண்டுள்ளது, ஐக்கிய இராச்சியத்தின் Global Brands சஞ்சிகையால் 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ மற்றும் Euromoney இன் ‘Market leader in Cash Management 2021’ உட்பட பல பாராட்டுக்களையும், அங்கீகாரங்களையும் பெற்றுள்ளது. மேலும், DFCC வங்கியானது Business Today சஞ்சிகையால் இலங்கையின் சிறந்த 40 வர்த்தக நிறுவனங்களின் தரவரிசையிலும் பெயரிடப்பட்டுள்ளதுடன், Fitch Ratings Lanka Limited ஆல் A- (lka) தரப்படுத்தப்பட்டு, இலங்கை மத்திய வங்கியால் கட்டுப்படுத்தப்படுகிறது. நிலைபேற்றியலுக்கான அதன் அர்ப்பணிப்பிற்கு சான்றளிக்கும் வகையில், இலங்கையில் பசுமை காலநிலை நிதியத்தின் (Green Climate Fund – GCF) அங்கீகாரத்தைப் பெற்ற முதன்முதலான மற்றும் தற்போது வரையான ஒரேயொரு நிறுவனம் DFCC வங்கி என்பது குறிப்பிடத்தக்கது. இது நாடு முழுவதும் காலநிலைத் தணிவிப்பு மற்றும் அது சார்ந்த மாற்றத்தை உள்வாங்கும் செயல்திட்டங்களுக்கு ஆதரவாக 250 மில்லியன் அமெரிக்க டொலர்கள் மதிப்பிலான சலுகை நிதியைப் பெறுவதற்கான வாய்ப்பினை வழங்குகிறது.
