DFCC வங்கி மற்றும் இசிபத்தன கல்லூரி பழைய மாணவர் சங்கம் ஆகியன கைகோர்த்து, தங்குதடையற்ற கொடுப்பனவுகள் மற்றும் பிரத்தியேக சலுகைகளை வழங்கும் பிரத்தியேக கடனட்டையை அறிமுகப்படுத்தியுள்ளன
September 7, 2023
DFCC வங்கியானது DFCC இசிபத்தன கல்லூரி பழைய மாணவர் சங்க பிரத்தியேக கடனட்டை மூலமாக, கொழும்பின் புகழ்பூத்த பாடசாலைகளில் ஒன்றின் பழைய மாணவர் சங்கத்திற்கு தங்குதடையற்ற கொடுப்பனவுகள் மற்றும் பிரத்தியேக சலுகைகளை உத்தியோகபூர்வமாக வழங்குவதில் பெருமிதம் கொள்கிறது. இந்த அட்டையைக் கொண்டுள்ள ஒவ்வொருவரும் அட்டை மூலமாக கொடுப்பனவுகளை மேற்கொள்ளும் போதும், ஆண்டு சந்தாக் கட்டணத்திலும் குறிப்பிட்டதொரு சதவீதத்தை பழைய மாணவர் சங்கத்திற்கு வங்கி வழங்கும். குறிப்பாக வடிவமைக்கப்பட்ட அட்டை என்பது பழைய மாணவர் சங்கமானது கல்வி மற்றும் விளையாட்டுகளை வளர்ப்பதில் தமது பாடசாலைக்கு தொடர்ந்து நிதி உதவி செய்வதை உறுதி செய்ய இடமளிப்பதற்கான வங்கியின் ஒரு வழிமுறை. இது ஏராளமான பிரத்தியேகமான வரப்பிரசாதங்கள், சலுகைகள் மற்றும் நன்மைகள் கொண்ட ஒரு மதிப்புமிக்க அட்டையாகும். இதைப் பெற்றுக்கொள்ளும் எந்தவொரு உறுப்பினரையும் இது பெருமைமிக்கதொரு பயனராக ஆக்குகிறது.
பழைய மாணவர் சங்க அங்கத்தவர்களுக்காக பிரத்தியேகமாக வழங்கப்படும் இப்புதிய அட்டை, DFCC கடனட்டை வழங்கும் அனைத்து நன்மைகளையும், அத்துடன் அங்கத்தவர்களுக்கு மட்டுமே கிடைக்கும் ஏனைய விசேட சலுகைகளையும் வழங்குகிறது. இதில் ஒவ்வொரு முறை செலவு செய்யும் போதும் கிடைக்கும் 1% பண மீளளிப்பு, ஆண்டு முழுவதும் கிடைக்கும் தள்ளுபடிகள் மற்றும் சலுகைகள், 60 மாதங்கள் இலகுத் தவணைக் கொடுப்பனவுத் திட்டங்கள், தங்குதடையற்ற மீதிப் பரிமாற்ற தெரிவுகள் மற்றும் நன்மையளிக்கும் அட்டை மீதான கடன் வசதி ஆகியனவும் அடங்கியுள்ளன.
DFCC கடனட்டைகள் உள்நாட்டிலும் உலகளவிலும் பரவலாக மதிக்கப்படும் மற்றும் ஏற்றுக்கொள்ளப்படும் கொடுப்பனவுக் கருவியாக, மாசுமறுவற்ற நற்பெயரைச் சம்பாதித்துள்ளன. அவை பல்வேறுபட்ட வாடிக்கையாளர்கள் பிரிவுகளுக்கென மிகவும் கவனமாக ஆராய்ந்து வடிவமைக்கப்பட்ட நன்மைகளை வழங்குகிறது. DFCC இசிபத்தன கல்லூரி பழைய மாணவர் சங்க பிரத்தியேக கடனட்டை சமீபத்தில் DFCC தலைமை அலுவலகத்தில் இடம்பெற்ற விசேட நிகழ்வில் வெளியிடப்பட்டதுடன், இதில் வங்கியின் சிரேஷ்ட அதிகாரிகள் மற்றும் பழைய மாணவர் சங்க உறுப்பினர்கள் கலந்து கொண்டனர்.
இடமிருந்து வலப்புறமாக நிற்பவர்கள் – நில்மினி குணரத்ன – சந்தைப்படுத்தல் மற்றும் நிலைபேற்றியல் செயல்பாடுகளுக்கான உப தலைவர் – DFCC வங்கி, திலான் குணசேகர – DFCC வங்கி, டென்வர் லூயிஸ்- உப தலைவர் மற்றும் அட்டைகளுக்கான தலைவர் – DFCC வங்கி, ஆசிரி இத்தமல்கொட – தனிநபர், சிறிய மற்றும் நடுத்தர அளவிலான தொழில் முயற்சிகளுக்கான வங்கிச்சேவைகளின் சிரேஷ்ட துணைத் தலைவர், DFCC வங்கி, திமால் பெரேரா- பிரதம நிறைவேற்று அதிகாரி – DFCC வங்கி, ஜகத் அல்விஸ் – தலைவர், செலிங்கோ ஜெனரல் இன்சூரன்ஸ், ரொஷான் மத்துமகே- உப தலைவர் – நிதி – இசிபத்தன கல்லூரி பழைய மாணவர் சங்கம், துஷான் விக்கிரமசிங்க – இணைச் செயலாளர்- இசிபத்தன கல்லூரி பழைய மாணவர் சங்கம் மற்றும் கஸ்நஃபார் ஜலாதீன் – சமூக செயலாளர் – இசிபத்தன கல்லூரி பழைய மாணவர் சங்கம்.
DFCC வங்கி பற்றிய விபரங்கள்
DFCC வங்கியானது 68 வருட பாரம்பரியம் கொண்ட, முழுமையான சேவைகளையும் வழங்கும் ஒரு வணிக வங்கியாகும், இது பல்வேறு வணிக மற்றும் அபிவிருத்தி சார்ந்த வங்கிச் சேவைகளை வழங்கி வருகிறது. வங்கியின் நிலைபேண்தகைமை மூலோபாயம் 2020 – 2030, சூழலைப் பேணிப் பாதுகாக்கும் முயற்சிகளுக்கான கடன் வசதி, நிலைபேண்தகு மற்றும் சமூக தொழில்முனைவோருக்கு ஆதரவை வழங்குவதன் மூலம் நிலைபேண்தகு பொருளாதார வளர்ச்சிக்கு பங்களிக்கும் வகையில் எந்த சூழ்நிலையிலிருந்தும் மீண்டு எழும் திறன் கொண்ட வணிகங்களை உருவாக்குவது அடங்கலாக, மீண்டு எழுகின்ற திறனை மேம்படுத்துவதற்கு கூடுதலாக பங்களிக்கும் முன்னணி வங்கிகளில் ஒன்றாக இது திகழ்கிறது. இலங்கையில் DFCC வங்கியானது, Green Climate Fund (GCF) இன் அங்கீகாரத்தைப் பெற்றுள்ள இலங்கையின் முதன்முதல் மற்றும் தற்போதுள்ள ஒரே நிறுவனமாகும். இது இலங்கையின் காலநிலைத் தணிப்பு மற்றும் தழுவல் திட்டங்களுக்கு ஆதரவளிப்பதற்கான சலுகை நிதி வசதியை வழங்குகிறது. Euromoney இடமிருந்து ‘Market leader in Cash Management 2021 and 2022’ விருது அடங்கலாக ஏராளமான அங்கீகாரங்களை வங்கி சம்பாதித்துள்ளதுடன், Business Today சஞ்சிகையால் இலங்கையின் மிகச் சிறந்த 40 வர்த்தக நிறுவனங்கள் மத்தியில் தரப்படுத்தப்பட்டுள்ளது. DFCC வங்கியானது Fitch Ratings Lanka Limited இடமிருந்து A- (lka) தரப்படுத்தலையும் பெற்றுள்ளது. இது இலங்கை மத்திய வங்கியின் மேற்பார்வையின் கீழ் அனுமதி உரிமம் பெற்ற விசேட வங்கியாகும்.
