DFCC வங்கி கடனட்டைகள் மூலமாக 1% CashBack சலுகை மூலம் நீங்கள் செலவு செய்யும் போது சேமிக்க வழிபிறந்துள்ளது
March 14, 2023
DFCC வங்கி கடனட்டைகள், தமது வாடிக்கையாளர்களின் தேவைகளைப் புரிந்துகொண்டு, மிகவும் தாராளமாக 1% உத்தரவாதமுள்ள CashBack சலுகையை அனைத்து அட்டைதாரர்களுக்கும், வருடத்தில் 365 நாட்களும் வழங்குகின்றன. ஏனைய கடனட்டை நம்பிக்கைத் திட்டங்களைப் போலல்லாமல், இந்த CashBack சலுகையை எந்தவொரு DFCC வங்கிக் கணக்கிற்கும் வரவு வைக்க முடியும். இது மிகத் தெளிவான சேமிப்பை உருவாக்குகிறது. DFCC வங்கி கடனட்டைகள் ஆண்டு முழுவதும் சலுகைகள், ஊக்குவிப்புக்கள் மற்றும் சேமிப்புகளை வழங்குகின்றன. குறிப்பாக பண்டிகை காலங்களில் நீங்கள் செலவழிக்கும் போது அதிகமாக சேமிக்க உதவுகின்றன. பல்வேறு மாஸ்டர்கார்டு மற்றும் விசா, இன்டர்நஷனல் அட்டை தயாரிப்புகள் உங்கள் ஒவ்வொரு தேவைக்கும் ஏற்றவாறு கிடைக்கின்றன.
DFCC Pinnacle அட்டைதாரர்கள் எரிபொருள், உணவு விருந்து, பயன்பாட்டுக் கட்டணப்பட்டியல் கொடுப்பனவுகள் மற்றும் வெளிநாட்டு பரிவர்த்தனைகளில் 3% CashBack உத்தரவாதத்தை அனுபவிக்கிறார்கள், DFCC World Mastercard அட்டைதாரர்கள் வெளிநாட்டு பரிவர்த்தனைகளில் 1.5% CashBack உத்தரவாதத்தை அனுபவிக்கிறார்கள், Visa Prestige அட்டைதாரர்கள் எரிபொருள் மற்றும் பயன்பாட்டுக் கட்டணப்பட்டியல் கொடுப்பனவுகளுக்கு 3% CashBack உத்தரவாதத்தை அனுபவிக்கிறார்கள். Visa Salary Partner அட்டைதாரர்கள் எரிபொருளுக்கு 3% CashBack உத்தரவாதத்தை அனுபவிக்கிறார்கள். இவை மட்டும் அல்ல, ஏனைய அனைத்து பரிவர்த்தனைகளிலும் அவர்கள் கூடுதலாக 1% CashBack உத்தரவாதத்தைப் பெறுகிறார்கள்.
ஒவ்வொரு வகை அட்டைகளும் உங்கள் வாழ்க்கை முறைக்கு மிகவும் பொருத்தமான பல்வேறு நன்மைகளை வழங்கினாலும், அனைத்து DFCC வங்கி அட்டைதாரர்களும் ஒவ்வொரு பரிவர்த்தனைக்கும் குறைந்தபட்சம் 1% CashBack;, பலவிதமான சலுகைகள் மற்றும் வரப்பிரசாதங்கள் போன்றவற்றை அனுபவிப்பதுடன், சமீபத்திய தொடுகையின்றிய மற்றும் Chip கொடுப்பனவுத் தொழில்நுட்பங்களுடன், அனைத்தையும் உள்ளடக்கிய அட்டையாக, வாடிக்கையாளர்கள் பயன்படுத்தும் போது அவர்களுக்கு பயனளிக்கின்றன.
CashBack தொகையானது DFCC வங்கி சேமிப்பு அல்லது அட்டைதாரரின் குடும்ப உறவினர்களின் நடைமுறைக் கணக்கில் வரவு வைக்கப்படும். மேலும், DFCC சேமிப்புக் கணக்கொன்றில் வரவு வைக்கப்படும் போது CashBack தொகைக்கு வட்டி வழங்கப்படுவதால், இது இரட்டை வெகுமதியாக அமைகிறது.
DFCC வங்கி கடனட்டைகளின் பெறுமதி குறித்து கருத்து தெரிவித்த DFCC வங்கியின் அட்டை மையத்திற்கான துணைத் தலைவரான டென்வர் லூயிஸ் அவர்கள், “DFCC வங்கி கடனட்டைகள் உள்நாட்டிலும் உலக அளவிலும் ஏற்றுக்கொள்ளப்படுகின்ற அதே நேரத்தில், பல நன்மைகளை வழங்குகின்றன. மிக முக்கியமாக ஒவ்வொரு பரிவர்த்தனையின் போதும் 1% CashBack உத்தரவாதம் கிடைக்கின்றமை குறிப்பிடத்தக்கது. இது நீங்கள் பிற நோக்கங்களுக்காகப் பயன்படுத்தக்கூடிய உண்மையான, அர்த்தமுள்ள சேமிப்பாக மாற்றம் காண்கிறது. மேலும், எங்கள் அட்டைதாரர்கள் பயணத்தை மையமாகக் கொண்ட பலன்களை வழங்கும் அட்டைகள் உட்பட, அவர்களின் அட்டை வகையைப் பொறுத்து பல்வேறு ஊக்குவிப்புக்கள் மற்றும் சலுகைகளைப் பெற்றுக்கொள்ள முடியும்,” என்று குறிப்பிட்டார்.
DFCC வங்கி பற்றிய விபரங்கள்
DFCC வங்கியானது 68 வருட பாரம்பரியம் கொண்ட, முழுமையான சேவைகளையும் வழங்கும் ஒரு வணிக வங்கியாகும், இது பல்வேறு வணிக மற்றும் அபிவிருத்தி சார்ந்த வங்கிச் சேவைகளை வழங்கி வருகிறது. வங்கியின் நிலைபேண்தகைமை மூலோபாயம் 2020 – 2030, சூழலைப் பேணிப் பாதுகாக்கும் முயற்சிகளுக்கான கடன் வசதி, நிலைபேண்தகு மற்றும் சமூக தொழில்முனைவோருக்கு ஆதரவை வழங்குவதன் மூலம் நிலைபேண்தகு பொருளாதார வளர்ச்சிக்கு பங்களிக்கும் வகையில் எந்த சூழ்நிலையிலிருந்தும் மீண்டு எழும் திறன் கொண்ட வணிகங்களை உருவாக்குவது அடங்கலாக, மீண்டு எழுகின்ற திறனை மேம்படுத்துவதற்கு கூடுதலாக பங்களிக்கும் முன்னணி வங்கிகளில் ஒன்றாக இது திகழ்கிறது. புகழ்மிக்க ஐக்கிய இராச்சியம், Global Brands Magazine சஞ்சிகையிடமிருந்து இருந்து 2021 இல் இலங்கையில் ‘Most Trusted Retail Banking Brand’ மற்றும் ‘Best Customer Service Banking Brand’ ஆகிய விருதுகளை வங்கி வென்றுள்ளது. அத்துடன், Euromoney இடமிருந்து ‘Market leader in Cash Management 2021’ விருதையும் பெற்றுள்ளது. Business Today சஞ்சிகையால் இலங்கையின் மிகச் சிறந்த 40 வர்த்தக நிறுவனங்கள் மத்தியில் DFCC வங்கி தரப்படுத்தப்பட்டுள்ளது. DFCC வங்கியானது Fitch Ratings Lanka Limited இடமிருந்து A- (lka) தரப்படுத்தலை பெற்றுள்ளது. இது இலங்கை மத்திய வங்கியின் மேற்பார்வையின் கீழ் அனுமதி உரிமம் பெற்ற விசேட வங்கியாகும்.
